AKB konfirmon vdekjen e biznesmenit Lulzim Kryeziu

Aleanca Kosovare e Bizneseve ka konfirmuar vdekjen e sipërmarrësit nga Malisheva, Lulzim Kryeziu. Përmes një postimi në Facebook, AKB-ja ka shprehur ngushëllime për vdekjen e tij.

“Do të kujtojmë gjatë miku ynë Lulzim Latifi Kryeziu. Pse na ike kaq herët! Prehu në paqe. AKB do të mburret gjithmonë me ty dhe punën tuaj në ekonominë e Kosovës, si Shell, brend ndërkombëtar“, shkruhet në postimin të cilin e ka shpërndarë edhe kreu i AKB-së, Agim Shahini, përcjell Albinfo.ch.

Policia e Kosovë njoftoi më herët se një person është gjetur i varur në një objekt biznesi familjar.

“Sot rreth orës 15:20 kemi pranuar informatë se në fshatin Mleqan-Malishevë, viktima mashkull i moshës madhore është gjetur i varur në një objekt biznesi familjar”, thuhet në njoftimin e policisë./Albinfo.ch