Shpallen fajtorë aktivistët që kanë ndihmuar migrantët të hyjnë në Francë

Një gjykatë franceze ka gjetur shtatë aktivistë, duke përfshirë dy shtetas zviceranë, fajtorë që kanë ndihmuar migrantët të hyjnë në mënyrë të paligjshme në Francë nga Italia pranverën e kaluar.

Të enjten, Gjykata Penale e Gap në juglindje të Francës u dorëzoi dy të pandehurve francezë, të cilët kishin dënime të mëparshme, dënime prej 12 muajsh, nga të cilat katër muaj do të kryhen pas hekurave.

Të pesë të tjerëve,  dy shtetas francezë, një italian, një zviceran dhe një belg -zviceran pa të dhëna kriminale ,  secilit prej tyre u dha dënime me gjashtë muaj pezull. Ata kanë dhjetë ditë për t’u ankuar.

Rreth 100 vetë u mblodhën jashtë gjykatës të enjten për të mbështetur aktivistët, të moshës ndërmjet 22 dhe 52 vjeç dhe të njohur si “Briançon Seven”, përcjell albinfo.ch

Ata ishin mes një grupi prej 100 aktivistësh kryesisht francezë dhe italianë, të cilët morën pjesë në një marshim demonstrues më 22 prill nga Claviere në Itali në Briançon në Francë, duke mundësuar kalimin Montgenèvre në kufirin italian me rreth 20 emigrantë të paligjshëm.

Zyra e prokurorisë akuzoi shtatë aktivistët që kanë lehtësuar hyrjen në Francë të emigrantëve. Në seancë, të pandehurit kishin mohuar që kanë ndihmuar migrantët të kalonin kufirin gjatë protestës .