Aktorja Catherine Deneuve kërkon falje

Aktorja franceze, Catherine Deneuve, u ka kërkuar ndjesë viktimave të sulmeve seksuale, pas nënshkrimit të një letre të hapur që argumentonte se fushata kundër ngacmimeve seksuale kishte shkuar përtej qëllimit të saj.

Deneuve ka thënë se ajo ndihet keq nëse ndonjë prej viktimave është ofenduar nga ai nënshkrim, përcjell albinfo.ch.

Javën e shkuar ajo nxiti reagimin feminist, pasi së bashku me 100 gra franceze nënshkruan një letër, duke thënë se burrat kanë të drejtë të flirtojnë me gra.

Por, disa aktivistë të të drejtave të njeriut kanë reaguar, duke thënë se deklaratat e Deneuve e kanë minimizuar dhunën seksuale.
Letra e nënshkruar nga shkrimtaret, interpretueset dhe akademiket franceze, u botua nga gazeta “Le Monde” të martën e shkuar.