“Amazon” synon kalimin në 100 % të energjisë së rinovueshme deri në vitin 2025

Gjiganti amerikan i shitjeve me pakicë “Amazon” shpreson të kalojë plotësisht në energji të rinovueshme deri në vitin 2025, njoftoi sot dega e tij në Gjermani.

“Kjo do ta bëjë “Amazon”-in konsumatorin më të madh operacional të energjisë së rinovueshme”, deklaroi filiali i saj gjerman.

Energjia e rinovueshme do të furnizojë me energji elektrike qendrat e transportit dhe paketimit të shitësit me pakicë, si edhe zyrat e tij, raporton dpa, përcjell Albinfo.ch.

“Ne jemi në rrugën e duhur drejt fuqizimit të biznesit tonë deri në vitin 2025 me 100 % të energjisë së rinovueshme, pesë vjet përpara qëllimit tonë origjinal të vitit 2030”, tha themeluesi i “Amazon”, Jeff Bezos, në deklaratë.