Ambasadori gjerman kërkon që opozita t’i japë fund bllokadës për marrëveshjet ndërkombëtare

Foto Twitter: @GermanAmbKOS

Ambasadori i Gjermanisë në Kosovë, Jorn Rohde, sa i përket mosvotimit të marrëveshjeve ndërkombëtare në Kuvendin e Kosovës ka kërkuar nga opozita t’i japë fund bllokadës.

Përmes një postimi në rrjetin social “Twitter”, ai u shpreh i shqetësuar për mosmiratimin e vazhdueshëm të këtyre marrëveshjeve që sjellin miliona përfitime për qytetarët, përcjell albinfo.ch.

“Të shqetësuar për mosmiratimin e vazhdueshëm të marrëveshjeve ndërkombëtare në Kuvend që mund të sjellin miliona përfitime për qytetarët e Kosovës. Projekte të mëdha energjetike dhe bujqësore midis Gjermanisë dhe Kosovës janë në rrezik. Duhet një qasje konstruktive nga të gjithë aktorët, opozita duhet t’i japë fund bllokadës”, ka shkruar ai.