Ambasadori gjerman: Takimi i sotëm nënvizon angazhimin për zgjidhje të qëndrueshme

Ambasadori i Gjermanisë në Kosovë, Jorn Rohde, ka reaguar pas vizitës së përfaqësuesve të lartë të Bashkimit Evropian dhe Shteteve të Bashkuara të Amerikës në Kosovë.

Përmes një postimi në rrjetin social “Twitter”, ai ka thënë se kjo vizitë tregon angazhimin për zgjidhje të qëndrueshme.

“Mbledhja e sotme e Përfaqësuesit të Lartë të Bashkimit Evropian, Miroslav Lajçak dhe përfaqësuesve nga Gjermania, Franca, Shtetet e Bashkuara të Amerikës dhe Italia, së bashku me kryeministrin Albin Kurti, nënvizon angazhimin e palodhshëm për zgjidhje të qëndrueshme dhe në këtë mënyrë përshpejtimin e integrimit të plotë në familjen euroatlantike”, ka shkruar ai, përcjell albinfo.ch.

Today's meeting of 🇪🇺 EUSR @MiroslavLajcak and the 4 NSAs from 🇩🇪🇫🇷🇺🇸🇮🇹 together with PM @albinkurti underscores🇪🇺🇩🇪🇫🇷🇺🇸🇮🇹 tireless commitment for sustainable solutions and thus speed up 🇽🇰 full integration into the Euro-Atlantic family. pic.twitter.com/hTFO2zoXCx

— Ambassador Jörn Rohde (@GermanAmbKOS) October 21, 2023