Amir Saipi, zvicerani me origjinë kosovare, një nga portierët më premtues të futbollit zviceran

Amir Saipi, zvicerani me origjinë kosovare nga Lubinja e Epërme, 24 vjeç, do të luajë për përfaqësuesen e Kosovës, përcjell albinfo.ch.

Ky lajm është bërë i ditur ditë më parë, për të cilin ka raportuar edhe Albinfo. 

Mediat zvicerane kanë shkruar se Amiri është sot një nga portierët më premtues të futbollit zviceran.

Ky ishte një hap i rëndësishëm për të, pasi i dha mundësinë të lidhet më shumë me rrënjët e tij dhe të kontribuojë në përfaqësimin e vendit të origjinës.

Karrierën e tij Amiri e nisi në klubin e Schaffhausen, ku, si i dalluar për cilësinë e lojës së tij, u ftua të luante për ekipin kombëtar U-21 të Zvicrës.

Aty tregoi performancë  të shkëlqyer.

Ne tre vjetët e fundit ai ka qenë portieri kryesor i klubit FC Lugano, një ndër ekipet më të forta në kampionatin zviceran.

Amiri ka edhe përvojë ndërkombëtare, e cila i ka ndihmuar të zhvillojë më tej aftësitë e tij dhe të përballojë presionin e lojërave në nivel të lartë.