Anti-radarët po shiten ilegalisht me çmime të ulëta në Kosovë

Në Kosovë ka filluar shitja online e një pajisje që në distancë dikton radarin e policisë.

Me një kërkim të thjeshtë në internet shfaqen shumë oferta të tilla me çmime nga 28 euro deri në 100 euro, njofton Klan Kosova, përcjell Albinfo.ch

Këto pajisje, sipas ekspertit të komunikacionit, Bekim Ahmeti, janë të rrezikshme pasi çrregullojnë komplet komunikacionin.

Ahmeti thotë se institucionet përgjegjëse duhet sa më shpejt të marrin masa që ta ndalojnë përdorimin e anti-radarit në Kosovë, pasi që edhe për shkak të çmimit të lirë është joshës për shoferët.

Policia tha se kanë informacione për shitjen e kësaj paisje dhe se është duke hetuar.