Apeli i ministrit për bashkatdhetarët

Valon Murati iu ka bërë thirrje të gjithë bashkatdhetarëve që mundësisht të shmangin pikën kufitare në Merdare, pasi janë duke u kryer punimet

Ministri në detyrë i diasporës, Valon Murati iu ka bërë thirrje të gjithë bashkatdhetarëve që mundësisht të shmangin pikën kufitare në Merdare, pasi janë duke u kryer punimet.

Ministri gjithashtu ka shtuar se të shikojnë gjendjen në pikën kufitare pasi të nisen, si dhe të kontaktojnë me autoritet nëse kanë probleme.

Ja postimi i plotë i ministrit në rrjetet sociale:

Të dashur bashkatdhetarë, të gjithë ju që po ktheheni në atdhe gjatë pushimeve të verës, ju rekomandoj të konsultoni paraprakisht aplikacionin e mëposhtëm të Ministrisë së Punëve të Brendshme në të cilin tregohet në kohë reale se cila është gjendja nëpër pikat kufitare. Kështu ju keni mundësi t’i ndryshoni ato. Edhe për shkak të punimeve të terminalit të ri por edhe për shkak të përqendrimit që ndodh në Merdare gjatë ardhjes suaj, ajo pikë kufitare vazhdon të jetë më e ngarkuara sa i përket pritjeve, andaj në konsultim edhe me Policinë e Kosovës ju rekomandojmë që sipas mundësive ta shmangni atë pikë dhe t’i përdorni edhe pikat e tjera kufitare. Për çfarëdo telashe që mund ta keni gjatë rrugës për në Kosovë, sidomos ata që kalojnë nëpër Serbi ju ftoj ta njoftoni në rastin e parë Policinë e Kosovës dhe Zyrën e Kosovës në Beograd në +38166247743 dhe l.o@rks-gov.net por edhe Ministrinë e Diasporës në ministriaediaspores@rks-gov.net

http://www.mpb-ks.org/qkmk/#.WXUDGYSGPDf