Apple, afër lansimit të telefonit që paloset

Gjiganti teknologjik raportohet se ka kërkuar nga kompania prodhuese “Foxconn” të krijojë mundësinë për testimin e dizajneve të ardhshme të telefonit të famshëm.

Dy dizajnet do të jenë tërësisht të ndryshme, raporton “tomsguide”, me njërin prej tyre me ekran më të madh që paloset, e tjetri që ka dy ekrane të ndara që bashkohen.

Ende është e paqartë nëse Apple planifikon të lansojë të dy telefonat që palosen apo do të eksperimentojë për të gjetur zgjidhjen më të mirë.

Raportimi vjen pak kohë pasi kompania aplikoi për një telefon tejet fleksibil, me një ekran që mund të paloset në të dy anët.

Apple së fundmi ka lëshuar familjen e re të telefonave, atë 12.