Arrestime në Luginë të Preshevës

Janë bërë të paktën tetë bastistje në Bujanovc, Tërnoc dhe Breznicë. Në mesin e të arrestuarve është dhe përkthyesi i OSBE-së

Janë arrestuar gjashtë shqiptarë në Luginë të Preshevës, të cilët, sipas mediave serbe, dyshohen për krime lufte të bëra në Kosovë.

Duke cituar burime të Ministrisë së Brendshme të Serbisë, mediat në Beograd shkruajnë se aksioni po vazhdon.

Kryetari i Komunës së Bujanocit, Shaip Kamberi, ka konfirmuar për Radion Evropa e Lirë, aksionin e arrestimeve, por tash për tash, ka thënë se nuk ka informacione se për çka bëhet fjalë.

Ai ndërkohë i ka thënë B92 se po bastisen shtëpi shqiptarësh në Tërnoc e lokalitete të tjera dhe se janë arrestuar shumë veta.

Janë bërë të paktën tetë bastistje në Bujanovc, Tërnoc dhe Breznicë. Thuhet se në mesin e të arrestuarve është dhe përkthyesi i OSBE-së.