Arrestohen 27 punëtorë të Shqipërisë në Tetovë

Gjatë kontrollit të realizuar në disa lokacione të Tetovës janë gjetur dhe arrestuar 27 nënshtetas shqiptar të moshës nga 18 deri me 51 vjet, shumica nga Librazhdi, Pogradeci, Kukësi, Korça...

Që nga orët e hershme të mëngjesit Policia e Maqedonisë ka nisur një aksion të gjënë në komunën e Tetovës, për t’i zënë në “gjumë” punëtorët që vijnë nga Republika e Shqipërisë. Është fjala për punëtorët që punojnë në ndërtimtari dhe që qëndrojnë në Tetovë ilegalisht.

Sipas njoftimeve, Policia e Tetovës nga ora 6 ka zbatuar një kontroll në Tetovë, Xhepçishtë dhe Bogovinë për zbulimin e nënshtetasve të huaj që pa leje janë duke qëndruar ose punuar në rajon.

Gjatë kontrollit të realizuar në disa lokacione janë gjetur dhe arrestuar 27 nënshtetas shqiptar të moshës nga 18 deri me 51 vjet, shumica nga Librazhdi, Pogradeci, Kukësi, Korça dhe vendet tjera,njofton infoshqip.

“Shtetasit shqiptar në mënyrë të pa lajmëruar kanë qëndruar dhe punuar ose kanë kërkuar punë në rajon dhe pas qëndrimit të shkurtër në SPB Tetovë, ata janë dërguar në një departament tjetër për procedurë të mëtutjeshme”, thuhet në njoftim/