Gjermani: Sekuestrohet drogë, arrestohen 6 persona

Autoritetet gjermane kanë sekuestruar një sasi prej 220 kg marihuanë, ndërsa në pranga janë vënë 6 persona, të cilët dyshohet se janë me origjinë shqiptare, gjermane, turke dhe spanjolle.

Siç raporton media gjermane Bild, droga ka një vlerë prej 2.2 milionë euro.

“Kjo është sasia më e madhe e sekuestruar në dhjetë vjetët e fundit”, thotë Frank Schröter, zëdhënësi i Policisë në Dresden, transmeton albinfo.ch.

Sipas zyrës së prokurorit publik të Drezdenit, në fund të prillit u kontrolluan gjithsej pesë apartamente në Leipzig dhe Berlin, një depo në Centralen Brandenburg dhe një kamion cisternë, ku u gjet edhe sasia e drogës.

Përveç drogës, policia sekuestroi edhe 34 mijë euro, ndërsa të arrestuarit janë të moshës 22 deri në 45 vjeç.