Arrestohet edhe një person në Lezhë për rastin “Frokaj”

Policia në Shqipëri njofton se ka arrestuar edhe një tjetër person në Lezhë për abuzim me pronat, i cili ishte shpallur ditë më parë në kërkim.

Fjala është për Nikoll Tinaj, 58-vjeç  i cili së bashku me 12 persona të tjerë, në mesin e të cilëve edhe kryetari i Bashkisë së Lezhës, Fran Frokaj, dyshohet se kanë falsifikuar dokumente të pronave në bregdet, përcjell albinfo.ch.

Mediet në Shqipëri raportojnë se Nikoll Tinaj është përfitues i sipërfaqeve të tokave nëpërmjet dokumenteve të falsifikuara. Policia ka njoftuar ndërkohë se është duke vazhduar hetimet lidhur me këtë rast për të parë nëse ka persona të tjerë që lidhen me tjetërsimin e pronësisë në mënyrë të paligjshme që lidhen me këtë rast.