Arrestohet edhe një person për sulmet në Londër

Një 21-vjeçar është arrestuar për sulmet terroristë në stacionin e metrosë në Londër, ku mbetën të lënduar 30 persona

Policia britanike ka njoftuar se ka arrestuar edhe një person tjetër për sulmet terroriste që ndodhën të premten në Londër, ku mbetën të lënduar 30 persona.

I arrestuari i dytë është një 21-vjeçar, derisa nuk është bërë i ditur emri i tij ose kombësia. Një ditë më herët është arrestuar një 18-vjeçar, gjithashtu në lidhje me këtë rast, transmeton albinfo.ch.

Niveli i gatishmërisë për një sulm të mundshëm terrorist mbetet ende “kritik”, duke nënkuptuar se një i tillë pritet në mënyrë të pashmangshme.

Mësohet se në cak ishte edhe një shtëpi e një çifti që përkujdeset për disa qindra fëmijë, duke përfshirë edhe refugjatë.