Arrihet marrëveshja për kushtet e punës në BE

pixabay

Pas muajsh të tërë ngërç, një hap i rëndësishëm është marrë për të përmirësuar kushtet e punës të punëtorëve në Bashkimin Evropian. Ministrat e Çështjeve Sociale kanë arritur një marrëveshje që u garanton një seri të drejtash shoferëve dhe shpërndarësve të porosive.

Marrëveshja cakton se punonjësit e kësaj kategorie duhet të përmbushin 3 nga 7 kritere për t’u quajtur “punonjës”. Ato përfshijnë caktimin e një shume të caktuar për një udhëtim, refuzimin e punëve të tjera dhe paraqitja në kohën e duhur. Nëse konsiderohen punonjës, ata do të gëzojnë të drejta si pushimet e paguara apo mungesën për shkaqe shëndetësore.

“Nëse lëndohem në një aksident, ata nuk bëjnë asgjë”, deklaroi një shofer.

Marrëveshja redukton fuqinë e algoritmeve që shpërndajnë detyrat dhe preferencat në fasha të caktuara kohore.

Por 5 vende, përfshirë Gjermaninë dhe Spanjën, vlerësojnë se akordi nuk është mjaftueshëm ambicioz dhe shpresojnë që hapi i ardhshëm, ai i negociatave në Parlamentin Evropian, ta çojë atë përpara. Sindikatat kanë të njëjtin këndvështrim.

Ndërkohë Ludovic Voet, kryetar sindikate, deklaroi: “Nuk është shumë ambicioz pasi aktualisht po diskutohet për vendosjen e pengesave me tri kriteret, në një kohë kur mund të ishin dy. Po diskutohet gjithashtu mundësia për derogime kombëtare. Pra, nuk merr parasysh parimin e parë të propozimit objektiv të KE-së, që u garanton punonjësve të drejtat që meritojnë”.

Ndaj, beteja dhe lobimi intensiv i kompanive si “Uber” do të vazhdojë pasi ato mendojnë se marrëveshja nuk u jep mjaftueshëm garanci./Euronews