Arrihet marrëveshja VMRO – BDI?

Sipas medieve në Shkup, është Gruevski ai që ka pranuar kushtet e BDI-së, që lidhen me dygjuhësinë në nivel të administratës dhe kryetarin e Kuvendit. Po ashtu BDI merr 8 ministri

Bashkimi Demokratik për Integrim (BDI) e ka shpëtuar me “fytyrë” Nikolla Gruevskin, pasi ka pranuar koalicionin me VMRO DPMNE-në. Sipas medieve në Shkup, është Gruevski ai që ka pranuar kushtet e BDI-së, që lidhen me dygjuhësinë në nivel të administratës dhe kryetarin e Kuvendit.

Po ashtu BDI thuhet e do t’i marrë edhe tetë ministri përfshirë edhe atë të Punëve të Brendshme.

Marrëveshja është arritur vetëm pak orë para se Nikolla Gruevskit t’i kaloj mandati. Por, nuk dihet se a është pranuar kushti tjetër për vazhdimin e mandatit të prokurorisë Speciale.

Marrëveshjen menjëherë e ka përshëndetur ish kryeministri i Shqipërisë dhe tanimë deputeti i Kuvendit shqiptar, Pandeli majko. Ai ka thënë se kjo marrëveshje e koalicionit është më e rëndësishme që nga ajo e Ohrit, që i dha fund konfliktit.

Ndryshe në ora 19 VMRO DPMNE do të mbaj një konferencë për media për të zyrtarizuar koalicionin e ri qeverisë.