Artisti gjerman, ekspozitë në Tiranë

Bëhet fjalë për një ekspozitë retrospektive të veprave të artistit gjerman, Sigmar Polke.

Ky koleksion është pronë e Republikës Federale të Gjermanisë. Pra, është pronë e kombit gjerman, i dhuruar tashmë nga Sigmar Polke.

“Muzikë me origjinë të panjohur”, është ekspozita e pikturës së autorit të famshëm gjerman pas Luftës së Dytë Botërore, Sigmar Polke, e që do të hapë dyert e Galerisë Kombëtare për sezonin e ri artistik, bëjnë të ditur mediat në Tiranë.

Me një cikël origjinal prej dyzet pikturash, të punuara në guash, kjo ekspozitë sjell për herë të parë në Shqipëri veprat e artistit të pop artit gjerman.

Nëpërmjet veprave të tij piktori Sigmar Polke ironizon sisteme të së kaluarës, duke u vendosur punëve të tij emra absurd.

Ekspozita do të jetë e hapur deri më 22 shkurt.