ASK: Janë regjistruar mbi 1 milion e 200 mijë persona

Keystone EPA/ERMAL META

Agjencia e Statistikave të Kosovës (ASK) në konferencën e radhës ka njoftuar mbi ecurinë e procesit të Regjistrimit të Popullsisë.

Drejtori i ASK-së, Avni Kastrati, tha se deri më tani pjesëmarrja e regjistrimit sipas komunave është 1 milion e 204 mijë e 560 qytetarë.

“Në të gjitha komunat e Kosovës ka regjistrim, të gjitha komunitetet po marrin pjesë. Disa komuna në veri nga komuniteti serb ka hezitim, por një pjesë e tyre janë duke u regjistruar”, ka thënë Kastrati, përcjell albinfo.ch.

Ai ka shtuar se në përgjithësi projekti për regjistrimin e popullsisë është duke iu ofruar fundit dhe nuk kemi probleme të aspektit në terrenit.

“Nëse vazhdon kështu procesi, siç ka vazhduar deri tani, do të dalë i suksesshëm”, ka thënë Kastrati.

Sa i përket kualitetit të të dhënave, Kastrati ka thënë se janë duke u shfrytëzuar burime, si ato të kaluarat.

“Për to janë duke u shfrytëzuar burime, si ato të kaluarat. Krahasuar me burimet e tjera, vetë sistemi e gjeneron që duhet të rishikohet, është për t’u përgëzuar, se kjo bëhet për herë të parë, pasi vitet e tjera kishte metodologji tjetër”, ka thënë Kastrati.