Australia rikthen masat në Melbourne

Australia ka dyfishuar numrin e rasteve në dy javët e fundit. Kjo ka detyruar autoritetet atje që të marrin masa.

Autoritetet në Australi urdhëruan izolimin e më shumë se 300 mijë njerëzve në disa zona të qytetit Melbourne, ndërsa masa pritet të zgjasë një muaj.

Numri i rasteve aktive me COVID-19 në këtë shtet ka kapur shifrën 400, çka ka ngjallur frikën për një valë të dytë të koronavirusit, raportojnë mediat ndërkombëtare, përcjell albinfo.ch.

Ndërkohë, më shumë se 30 zona të Melbourne do të ndjekin fazën e tretë të kufizimeve, niveli më i rreptë për sa i përket menaxhimit të pandemisë.

Në fazën e tretë përfshihen: Dalja për blerjen e gjërave ushqimore, vizitat tek mjeku, puna ose kujdestaria, dhe ushtrimet, përcjell albinfo.ch.

Në nivel global, numëri i të infektuarve nga COVID-19 tejkaloi shifrën prej 10 milionë, ndërsa u konfirmuan rreth 500 mijë të vdekur.

 

 

 

---