Autoritetet zvicerane njoftojnë për dhjetëra të vdekur në Valais

Valais shpall gjendje të jashtëzakonshme pas zjarrit me dhjetëra viktima

Autoritetet në kantonin Valais konfirmojnë se një zjarr masiv ka shkaktuar dhjetëra të vdekur dhe dhjetëra të plagosur, njofton Frédéric Gisler, komandant i policisë kantonale. Një linjë telefonike është hapur për familjarët e viktimave, ndërsa numri i saktë i të vdekurve mbetet ende i paqartë, transmeton albinfo.ch.

Prokurorja e Përgjithshme Beatrice Pilloud përjashtoi kategorikisht një sulm terrorist, duke sqaruar se hetimet po vazhdojnë për të përcaktuar shkakun e zjarrit. Autoritetet e Valais po bashkëpunojnë me Institutin e Mjekësisë Ligjore të Cyrihut për zbardhjen e rrethanave.

Duke pasur parasysh seriozitetin e situatës, Këshilli i Shtetit ka aktivizuar klauzolën e “situatës së veçantë” për të koordinuar operacionet emergjente, njofton Stéphane Ganzer, Këshilltar i Shtetit dhe Drejtor i Departamentit të Sigurisë, Institucioneve dhe Sportit.

Autoritetet bëjnë thirrje që popullsia të ndjekë udhëzimet e shërbimeve të emergjencës dhe të mos hyjë në zonën e prekur./Albinfo.ch

---