Avioni me 200 pasagjerë i nisur nga Roma drejt Londrës gati të përplasej me dronë

Një avion i kompanisë “British Airways” ka qenë në prag të tragjedisë teksa ka kaluar pranë dy dronëve, duke rrezikuar jetën e ekuipazhit dhe të 200 pasagjerëve që ndodheshin në bord.

Daily Mail shkruan se avioni ishte nisur nga Roma dhe kishte si destinacion Londrën. Në momentin kur avioni po i afrohej pistës së aeroportit Heathrow dhe ishte në një lartësi pak më shumë se 200 metra, u shfaqën dy dronët rreth 15 metra larg avionit.

Një raport nga Bordet e Aviasionit të Mbretërisë së Bashkuar (UKAB), që shqyrton incidente të tilla, e vlerësoi këtë si një ngjarje të kategorisë A, ku rreziku i përplasjes ishte shumë serioz. Dronët ishin duke fluturuar pa leje në një lartësi dyfishi ai asaj të lejuar në atë zonë, shkruan A2, përcjell albinfo.ch.

Kompania British Airways shprehu shqetësimin e saj serioz për ngjarje të tilla, duke u kërkuar autoriteteve të hetojnë dhe të marrin masat e duhura.