Avokatit i shkojnë 100 pica pa porositur fare, policia heton rastin

Një avokat gjerman ka marrë më shumë se 100 porosi picash në zyrën e tij, pa porositur fare, dhe tani policia është duke e hetuar këtë mister.

Pas të gjitha picave në dy javë, Guido Grolle tani po merr sushi, shkruajnë mediat gjermane.

Avokati, në qytetin e Dortmundit, thotë se ka marrë shumë thirrje bezdisëse për porositë e picave.

Porositja e gjërave për dikë duke keqpërdorur të dhënat e tyre është shkelje e ligjit në Gjermani dhe rrezikohet deri në tri vjet burgim.

Ka teori që thonë se porositë vijnë prej një klienti të pakënaqur, ndërsa ka edhe se disa avokatë të tjerë punojnë në të njëjtën adresë me Grollen.

Megjithatë, mashtrimi ose shantazhi konsiderohet i pamundur, pasi Grolle nuk po paguan për picat që nuk i ka porositur. Humbjet po u shkaktohen disa porosive, transmeton Albinfo.ch.

Sipas Grolles, porosia e picave po vjen pas një kodi mashtrues kompjuterik.

Në një mëngjes atij i kishin ardhur 15 porosi për vetëm 27 minuta, ndërsa kur kishte kontrolluar kompjuterin s’kishte parë asnjë porosi.