Babai i emigrantit që u gjet në valixhe shpëton nga burgimi

Një burrë nga Bregu i Fildishtë, djali i të cilit kishte hyrë në Spanjë nga Maroku, përmes një valixheje, ka shpëtuar nga burgimi.

Prokurorët donin që Ali Ouattara të shkonte në burg për ndihmën dhënë djalit të tij që të hyjë ilegalisht në Spanjë.

Gjithsesi kjo ndryshoi, kur u gjet se s’kishte prova që babai kishte planifikuar ta trafikonte djalin me valixhe.

“As babai im as unë nuk e kemi ditur që do të më vendosnin në një valixhe”, ka thënë djaloshi Adou, tani 10-vjeçar.

Adou thotë se babai i tij, që ka kaluar një muaj në burg, gjithmonë i kishte thënë që udhëtimi do të bëhej me veturë, transmeton Albinfo.ch.

Abou po ashtu tha se e kishte të vështirë të merrte frymë në valixhen, që u përdor në tentativën për të kaluar kufirin mes Marokut dhe Spanjës.

Në maj të vitit 2015, zyrtarët në kufi mes Marokut dhe enklavës Ceuta, kishin ndalur një grua teksa tërhiqte valixhen e rëndë. Kur e hapën kishin gjetur një djalë të vogël të futur brenda.

Outtara ishte gjobitur me 92 euro.

Djali tani jeton me nënën e tij në Paris, por udhëtoi për të dëshmuar.