Ballo Vjeneze në Tiranë

Një spektakël klasi dhe elegance në ritmin e valsit të mrekullueshëm vjenez, paraqitjeve të shkëlqyera artistike dhe momente të paharrueshme për gjithë pjesëmarrësit ofroi edicioni i dytë i Ballos Vjeneze.

Ballo Vjeneze u zhvillua mbrëmjen e së premtes, 12 prill 2019, në Pallatin e Kongreseve në Tiranë, duke mbledhur bashkë miq shqiptarë dhe austriak, personalitete, njerëz të biznesit, artistë dhe çdo qytetar që ka pikë të dobët muzikën klasike dhe valsin vjenez.

Nën kujdesin e Bashkisë së Vjenës dhe Bashkisë së Tiranës, ky edicion i Ballos Vjeneze në Tiranë konsolidoi një traditë të mrekullueshme, prezente në metropolet më të rëndësishme të botës.

Një pjesë e të ardhurave të këtij eventi do të shkojë për fondacionin “You are a Sunflower” në ndihmë të fëmijëve në nevojë.