Banesat në Zvicër tani kushtojnë 6.6 për qind më shumë se vitin e kaluar

Edhe çmimi i shtëpive për një familje u rrit me 7.2 për qind në të njëjtën periudhë.

Blerësit zviceran kërkojnë prona zvicerane, pavarësisht çmimeve më të larta, njofton albinfo.ch.

Banesat në Zvicër tani kushtojnë 6.6 për qind më shumë se vitin e kaluar dhe çmimi i shtëpive për një familje u rrit me 7.2 për qind në të njëjtën periudhë.

Shtojini asaj norma më të larta të hipotekave që kur Banka Kombëtare e Zvicrës rriti normën bazë të interesit në fund të shtatorit, dhe tabloja është e qartë: banesat në Zvicër janë bërë edhe më të shtrenjta se më parë.

Megjithatë, kërkesa për prona luksoze nuk është zbehur dhe po tejkalon ofertën, sipas Robert Weinert, kreu i monitorimit të pasurive të paluajtshme në agjencinë Wüest Partner.

“Po flasim për blerës me takë të mirë që do të donin të blinin, për shembull, një vilë me pamje nga liqeni dhe malet në një komunitet me taksa të ulëta”. /Albinfo.ch

---