Banorët largohen nga shtëpitë pas zjarreve kërcënuese në Shqipëri

Keystone EPA/MAHMUT SERDAR ALAKUS

Situata e zjarreve në Shqipëri shënoi një kthesë tragjike kur iu afrua papritur zonave të banuara në tri fshatra të Lunxherisë, pasi humbi jetën një 64-vjeçar, i cili vdiq në përpjekje për të shuar flakët në shtëpinë e tij në fshatin Asim Zeneli.

Top Channel raporton se me qindra hektarë janë djegur gjatë natës. Në masivin e Glinës me pisha, flakët kanë qenë mbi 10 metra lartësi dhe ka qenë e pamundur për zjarrfikësit që të organizohen.

Përballja me flakët ka qenë deri në orët e para të mëngjesit dhe zjarri ka detyruar banorët e fshatit Arshi Lengo gjatë mbrëmjes të lënë banesat e tyre, sepse flakët po zbrisnin me shpejtësi përmes një masivi me pisha, i cili u shkrumbua thuajse plotësisht.