Barcelona në grevë

Keystone

Një grevë e përgjithshme, e cila mund ta paralizojë Kataloninë, është paraparë të mbahet në vend pas referendumit për pavarësi.

Greva është thirrur nga sindikatat katalonase dhe asociacionet e ndryshme, si përgjigje ndaj dhunës dhe shkeljes së lirive të njeriut në referendumin e së dielës, përcjell albinfo.ch.

Qeveria qendrore në Madrid e shpalli këtë referendum ilegal, por pavarësisht kësaj, më shumë se 2.2 milionë njerëz kanë votuar në referendum.

Qindra njerëz janë lënduar nga dhuna që policia spanjolle ushtroi ndaj atyre që donin të votonin. E me grevën e së martës parashihet që transporti publik, shkollat dhe klinikat në Kataloni të mbyllën për 24 orë.

Edhe klubi i njohur i futbollit, Barcelona, pritet të hyjë në greve, ndonëse nuk e kanë të paraparë ndonjë ndeshje, derisa njëjtë do të veprojnë edhe universitetet publike dhe muzetë.