Kantoni Basel-Stadt mund të jetë kantoni i parë që punëson policë të huaj

(KEYSTONE/Christian Beutler)

Forca policore e Bazelit po përjeton mungesë punonjësish: nga 700 pozicione, 92 janë vakante dhe asnjë kandidat i përshtatshëm nuk mund të gjendet në mesin e popullatës vendase, përcjell albinfo.ch.

Kjo mungesë po i shtyn autoritetet të shqyrtojnë seriozisht rekrutimin e kandidatëve nga Gjermania, sipas Stephanie Eymann, drejtoreshë e Drejtësisë dhe Sigurisë në Bazel.

Nëse kjo ndodh, kantoni Basel – Stadt do të bëhet kantoni i parë (dhe deri tani i vetmi) zviceran që punëson policë të huaj.

Së pari, megjithatë, “ata duhet të familjarizohen me ligjet tona dhe gjithashtu të kenë trajnim policor të krahasueshëm me tonin”, tha Eymann.