Basha: Investitorët e huaj po ikin nga Shqipëria

“Fqinjët tanë vazhdojnë të kenë një renditje me të mirë se sa Shqipëria, e cila renditet në vendin e 65-të"

Kryetari i Partisë Demokratike, Lulzim Basha, ka thënë se raporti i Bankës Botërore “Doing Business 2018”, e rendit Shqipërinë 7 vende me poshtë se vitin e kaluar.

Basha ka shkruar se investitorët e huaj që duan të investojnë në Ballkan e shohin Shqipërinë si zgjedhjen e fundit. Sipas Bashës, faktori kryesor i këtij përkeqësimi është rritja e taksave dhe detyrimeve.

“Fqinjët tanë vazhdojnë të kenë një renditje me të mirë se sa Shqipëria, e cila renditet në vendin e 65-të. Maqedonia renditet në vendin e 11-të, Kosova në vendin e 40-të, Mali i Zi në vendin e 42-të, duke treguar përparësi krahasuar me Shqipërinë. Edhe këtë vit, ashtu si vitin e kaluar, mesazhi është shumë i qartë”, ka shkruar Basha.