Bazel: Kujdes kur porositni qebapë

Nëse porositni një qebap në Bazel – mund të mos merrni saktësisht atë që keni kërkuar – dhe jini jashtëzakonisht të kujdesshëm nëse keni alergji.

Pas një inspektimi nga autoritetet kantonale, ata zbuluan se nga 20 qebapët që porositën – katër nuk kishin mishin që reklamonin dhe disa kishin qumësht, ndoshta në salcë, i cili nuk ishte deklaruar.

Inspektorët porositën një qebap viçi – dhe gjetën se kishte mish derri dhe një tjetër kishte mish pule, transmeton albinfo.ch.

Gjithashtu, shumë nuk kishin renditur përbërës që mund të shkaktojnë një reaksion alergjik.

Kantoni thotë se do të bëjë një tjetër inspektim në një datë të mëvonshme për të parë nëse gjërat janë përmirësuar.