BE-ja ndan 1,5 miliard euro për refugjatët sirianë në Turqi

Bashkimi Evropian do të transferojë një grant prej 1,5 miliard euro për refugjatët sirianë në Turqi, sipas shefes së diplomacisë evropiane, Federica Mogherini.

Dua të konfirmoj se ky transferim prej 1,5 miliard eurove (grant), mbas 3 miliardëve që janë dërguar më herët- tha Mogeherini.

Duke folur gjatë hapjes së ceremonisë së konferencës të organizuar nga BE-ja dhe OKB-ja për Sirinë në Bruksel.

Për momentin në Turqi qëndrojnë më shumë se 3,5 milionë refugjatë sirianë, më shumë se në çdo vend tjetër të botës, shkruan alsatm, përcjell albinfo.ch.

Siria është përfshirë në një luftë civile prej vitit 2011, kur një valë protestash donin të rrëzonin regjimin e Asadit.

Që atëherë, qindra mijëra persona janë vrarë dhe më shumë se 10 milionë njerëz kanë lënë vendin, sipas të dhënave të Kombeve të Bashkuara.