BE për letrën e Gërvallës: U takon shteteve anëtare të KiE-së të vendosin për anëtarësim

Kreshnik Ahmeti, FB

Ministrja e Punëve të Jashtme e Kosovës, Donika Gërvalla-Shwarz, i ka dërguar letër Këshillit të Evropës me zotimin se do të nisin hartimin e një draft-statutit të Asociacionit të Komunave me Shumicë Serbe. Lidhur me këtë është deklaruar Bashkimi Evropian.

Zëdhënësja Ioanna Lachana tha se u takon shteteve anëtare të Këshillit të Evropës të vendosin për çështjet që lidhen me anëtarësimin e Kosovës.

“Sipas saj, letra flet për zotimin e Qeverisë së Kosovës për ta dërguar draft-statutin e Asociacionit të Komunave me shumicë serbe në Gjykatën Kushtetuese. BE-ja përsërit se u takon shteteve anëtare të Këshillit të Evropës të vendosin për çështjet që lidhen me këtë organizatë, duke përfshirë anëtarësimin e saj”, thuhet në përgjigjen për Klan Kosovën, përcjell Albinfo.ch.

Ministrja e Punëve të Jashtme, Donika Gërvalla-Schwarz, bëri të ditur sot se i është drejtuar me një letër zotuese Këshillit të Evropës./Albinfo.ch