BE synon lidership në AI: Plan ambicioz për të ardhmen digjitale

@Envato

Bashkimi Evropian ka prezantuar një plan të ri ambicioz për Inteligjencën Artificiale, duke synuar të pozicionohet si lider global në këtë fushë. Plani parashikon investime prej 20 miliardë eurosh dhe përqendrohet në pesë shtylla kyçe: ndërtimin e superkompjuterëve (AI factories), qasje më të mirë në të dhëna, zhvillimin e aplikacioneve të AI, fuqizimin e talenteve dhe krijimin e një kuadri të qartë ligjor.

Presidentja e Komisionit Evropian, Ursula von der Leyen, theksoi se ky hap do të përshpejtojë inovacionin dhe do të ndihmojë kompanitë evropiane të konkurrojnë me gjigantët globalë. Plani synon gjithashtu që më shumë kompani të adoptojnë AI dhe që Evropa të ndërtojë sovranitetin e saj teknologjik.