Berna dëshiron të marrë kontrollin e furnizimit me barna

Keystone

Qeveria federale po kërkon të marrë kontrollin e drejtpërdrejtë të furnizimit me farmaceutikë në vend.

Aktualisht, është përgjegjësi e kantoneve – por ka mungesë të qindra medikamenteve bazë.

Berna po parashtron një kundërpropozim ndaj një nisme që do të angazhonte qeverinë të nxisë zhvillimin dhe prodhimin e barnave në këtë vend, transmeton albinfo.ch.

Këshilli Federal thotë se furnizimi i mirë me ilaçe është thelbësor për një sistem funksional të kujdesit shëndetësor – por ata thonë se iniciativa është e pamjaftueshme.

Kundërpropozimi do t’i japë Bernës autoritetin kushtetues për të siguruar furnizimin bazë të qetësuesve, vaksinave dhe antibiotikëve.