Disa mijëra veta demonstruan në Bernë kundër agresionit rus në Ukrainë

Sipas agjencisë së lajmeve SDA, në tubimin në Bernë kanë marrë pjesë rreth 3,000 veta ndërsa organizatorët flasin për 5000 pjesëmarrës

Disa mijëra njerëz kanë marrë pjesë në një tubim në Bernë pasdite. Ata kanë demonstruar për paqen në Ukrainë dhe për ndalimin e importeve të gazit natyror rus në Zvicër.

Thirrjen për tubim e kishin bërë të rinjtë socialistë (Juso) të Zvicrës, grupi Zvicra pa ushtri (GSoA), të Gjelbrit, PS, lëvizja e grevave për klimën dhe organizata të tjera.

Sipas agjencisë së lajmeve SDA, në tubimin në Bernë kanë marrë pjesë rreth 3,000 veta ndërsa organizatorët flasin për 5000 pjesëmarrës. Në fjalimet e tyre disa folës bënë thirrje për më pak importe të naftës dhe gazit nga Rusia. Ata që nuk importojnë lëndë djegëse fosile nga ky vend, po ia dobësojnë makinerinë e luftës Vladimir Putinit, rapirton srf.ch.

Prandaj është e rëndësishme që të shtyhet përpara në kalimin më të shpejtë në energjinë e ripërtëritshme, transmeton albinfo.ch. Zvicra luan një rol të rëndësishëm në shitjen e naftës dhe gazit rus, u tha në tubim: 80 për qind e tregtisë me këtë gaz dhe naftë trajtohet në Zvicër. Kjo tregti duhet të monitorohet; Zvicra ka një përgjegjësi të madhe.

Foto: SRF (Screenshot)

 

 

---