Biden shkon në kishë para inaugurimit si president i SHBA-së

Pak çaste pas largimit të Donald Trump dhe të shoqes Melania nga Shtëpia e Bardhë, presidenti i zgjedhur, Joe Biden, dhe bashkëshortja e tij, Jill, u larguan nga Blair House për të shkuar në kishë, përcjell albinfo.ch.

Duhet theksuar se eskorta e tij mbërriti në Katedralen e Shën Mateut në Uashington DC, ku do të marrë pjesë në meshë bashkë me familjen e tij dhe zv. presidenten e zgjedhur, Kamala Harris.

Donald Trump mbajti fjalimin e tij të lamtumirës, pas largimit nga Shtëpia e Bardhë. Në bazën ushtarake “Joint Base Andrews”, përpara një fluturimi të fundit presidencial në Palm Beach, Trump u prit me brohoritje nga mbështetësit.

Ai i falënderoi për mbështetjen dhe iu shprehu dashurinë e tij. Nuk munguan falënderimet për mbështetësit e tij, familjen dhe bashkëshorten Melania Trump.