Bie për 7 për qind numri i lindjeve në Maqedoni

Në Republikën e Maqedonisë janë shënuar 7.2 për qind më pak foshnje të lindura në krahasim me të njëjtën periudhë të vitit të kaluar

(KEYSTONE/Gaetan Bally)

Në tre mujorin e dytë këtë vit, në Republikën e Maqedonisë janë shënuar  7.2 për qind më pak foshnje të lindura në krahasim me të njëjtën periudhë të vitit të kaluar. Këto statistika i ka publikuar Entit Shtetëror për Statistika në Shkup, sipas të cilit, numri i foshnjave të lindura në Prill, maj dhe qershor, të këtij vit është 5205.

Sipas Entit të Statistikave Shtetërore, ulje në periudhën e njëjtë shënon edhe numri i të vdekurve edhe atë për 6.1 për qind në krahasim me tremujorin e dytë të vitit 2016.

Në tremujorin e dytë këtë vit kanë vdekur 4554 persona, ndërsa 54 kanë qenë foshnje.

Rritja natyrore arrin në 661 persona, që do të thotë për aq persona numri i të lindurve është më i madh se numri i të vdekurve. Kjo tregon se në Maqedoni, prapë nataliteti është më i madh se sa mortaliteti.