Bizneset ekspozojnë produktet e tyre në “Panairi Lugina” në Zvicër

Për herë të dytë ka hapur dyert Panairi i Bizneseve Shqiptare nga Lugina, “Panairi Lugina”, në kuadër të të cilit 27 biznese nga Lugina kanë prezantuar prodhimet e tyre në qytetin Uster të Cyrihut.

Për herë të dytë po mbahet Panairi i Bizneseve Shqiptare nga Lugina, “Panairi Lugina”. Panairi po zhvillohet për dy ditë radhazi,  11-12 maj 2024.

Adnan Ymeri, kryetar i Fondit Humanitar për Preshevë, Bujanoc dhe Medvegjë, njëherësh edhe organizator i këtij panairi në një prononcim për albinfo.ch është shprehur i lumtur për organizimin e këtij Panairi.

Ai gjithashtu njoftoi se, në edicionin e dytë, janë 27 biznese që po ekspozojnë produktet dhe shërbimet e tyre në Zvicër.

Pesë nga këto janë biznese nga Zvicra, tri nga Kosova dhe të tjerat nga Lugina.

Në këtë event që po mbahet në Uster të Cyrihut, ka marrë pjesë edhe Ambasadori i Shqipërisë në Bernë, Mustafa Nano dhe Konsulli i Kosovës në Cyrih,, Vigan Berisha.

Panairi është organizuar nga Fondit Humanitar për Preshevë, Medvegjë dhe Bujanoc  në bashkëpunim me Komunat e Bujanocit e Preshevës dhe Unionet e Bizneseve.

---