Boksieri Bernardin Jakaj mbron titullin më 9 dhjetor në Vjenë

Të shtunën në sallen e sportit në Maria Enzersdorf, pak kilometra larg Vjenës, do zhvillohen meqe të rëndësishme të boksit me nëntë ndeshje profesioniste në program. Në këtë mbrëmje të boksit, do të marrin pjesë 8 shqiptarë, shkruan albinfo.at.

Shpëtim Shala, menaxheri i boksierëve shqiptarë, është shprehur për albinfo.at se, janë në fazat e fundit të stërvitjeve dhe se kanë bërë punë të madhe në përgatitjen e tyre për kundërshtarët që do t’i kenë.

Dy meqet kryesore të mbrëmjes janë këto: Dielli Vranoci ndeshet kundër Anil Özdemir për titullin e Austrisë në peshën “Super Welter”. Ndërsa Bernardin Jakaj do të ndeshet në një duel prej 10 raundesh kundër boshnjakut Enid Numanovic, i cili është i pamposhtur në 23 duele”, tregon për albinfo.at Shpëtim Shala, menaxher i Bernardin Jakajt.

Vlen të theksohet se meqet në Austri do të transmetohen drejtpërdrejt nga ORF Sport Plus dhe në Kosovë nga Art Sport.

Adresa: Liese Prokop-Platz 1, A-23 44 Maria Enzersdorf

Ora: 17:00