Borrell fajëson Kurtin për mungesën e rezultatit në dialog

(Kenzo Tribouillard, Pool Photo via AP)

Përfaqësuesi i Lartë i Bashkimit Evropian për Politikë të Jashtme e Siguri, Josep Borrell, ka thënë se në takimin e sotëm në Bruksel ai ka propozuar kompromis se si do të zbatohet marrëveshja për normalizim, ndërsa u shpreh se ka ofruar që palët të nisin paralelisht zbatimin e kërkesave.

Borrell fajësoi kryeministrin e Kosovës për mungesën e kompromisit, pasi, sipas tij, u refuzua propozimi që palët të nisin paralelisht zbatimin e kërkesave, teksa tha se kryeministri i Kosovës, Albin Kurti, ka kërkuar së pari njohje de facto nga Serbia, ndërsa Vuçiqi ka kërkuar themelimin e Asociacionit, përcjell albinfo.ch.

“Ne kemi propozuar të zbatohen këto paralelisht, të sigurohet që të marrë diçka e të japë diçka. BE-ja dhe komuniteti i gjerë ndërkombëtar, përfshirë partnerët amerikanë, e shohin këtë si rrugë të vetme për të funksionuar zbatimi… Sot, jam munduar me Kurtin e Vuçiqin të gjej rrugën para, duke u bazuar në propozimin tonë. Për fat të keq, pas takimit të gjatë, Kurti nuk ishte i gatshëm që të ecët para, të fillojë një proces kredibil për themelimin e Asociacionit. Ai insistoi të formalizohet njohja de facto si hap i parë”, ka thënë ai.

Ndër të tjera, Borrell tha se ndonëse Kosova ka bërë hapa para drejt shtensionimit, megjithatë nuk i ka plotësuar të gjitha kushtet”.