Borrell: Kur të jetë koha, do të ketë takim të nivelit të lartë

Shefi i diplomacisë evropiane, Josep Borrell, ka thënë se dialogu mes Kosovës dhe Serbisë është duke vazhduar.

Ai ka shtuar se Miroslav Lajçak është duke udhëtuar te të dyja shtetet dhe se kur të vijë koha, do të ftohet takim i nivelit të lartë.

Presidenti i Këshillit Evropian, Charles Michel, ka thënë se duan që vendet e Ballkanit Perëndimor të zgjidhin mosmarrëveshjet e të rrisin nivelin e bashkëpunimit.

“Projekti i BE-së është i bazuar në ripajtim. Ripajtimi, zgjidhja e mosmarrëveshjeve, është hap kyç që duhet për të bërë më tepër progres”, ka thënë ai, përcjell albinfo.ch.