Britani: 888 viktima, në 24 orët e fundit nga Covid-19

Në 24 orët e fundit në Britani janë regjistruar 888 viktima, duke ulur kështu mundësinë e rënies së kurbës së epidemisë në vend.

Pas shifrave të fundit, numri total i vdekjeve të shkaktuara nga Covid-19 në vend arrin në 15,464.

Ndërsa alarmante janë shifrat edhe për rastet e reja, ku brenda ditës janë konfirmuar 5,525 raste të reja me koronavirus, duke bërë që numri total i të infektuarve në vend të shkojë në 114,217.

Britania e Madhe vijon të jetë në vendin e gjashtë shteteve më të prekura nga koronavirusi në botë.

Në vendin e parë qëndron SHBA-ja, me 710,272 të infektuar dhe 37,175 viktima.

---