Bullgarët, më të rrezikuarit në BE nga varfëria dhe përjashtimi social

Bullgaria ka shkallën prej 40% ndërsa Çekia është regjistruar si vendi me shkallën më të ulët të rrezikut të varfërisë ose përjashtimit social me 13,3 për qind

Sipas të dhënave që Anadolu Agency (AA) ka siguruar nga Zyra Evropiane e Statistikave (Eurostat), më shumë se një e treta e popullsisë në Bullgari, Rumani dhe Greqi vitin e kaluar janë përballur me rrezikun e varfërisë ose përjashtimit social. Kjo shkallë është regjistruar në 40 për qind në Bullgari, 38,8 përqind në Rumani dhe 35,6 përqind në Greqi.

Ndërkaq, Çekia është regjistruar si vendi me shkallën më të ulët të rrezikut të varfërisë ose përjashtimit social me 13,3 për qind, kurse pas saj janë radhitur Finlanda me 16,6 përqind, Danimarka me 16,7 përqind dhe Holanda me 16,8 përqind.

Shkalla e personave që jetojnë në rrezik të varfërisë dhe përjashtimit social në Gjermani është regjistruar në 19,7 përqind, në Francë 18,2 përqind, në Itali 28,7 përqind, në Spanjë 27,9 përqind, në Britani 22,2 përqind dhe në Belgjikë 20,7 për qind.