Burgoset në Serbi për vrasjen e zviceranit, të kryer më 1993

Pas marrëveshjes në mes të dy palëve, procedura e ndjekjes së tij i takon autoriteteve serbe, gjegjësisht nuk do të bëhet ekstradimi i tij në Zvicër

Ne vitin 1993 në Dulliken të Soloturnit qe vrarë në mënyrën më mizore një pensionist 80 vjeçar në shtëpinë e tij. Në maj të vitit 2014 një serb 51 vjeçar është dënuar nga Gjykata Olten-Gosgen për ndihmën e ofruar në rastin e vrasjes. Arrestimi dhe marrja e tij në pyetje ka sjellë dritë edhe në lidhje me kryesin e vrasjes.

Pas përpjekjeve të shumta të bëra nga prokuroria e Soloturnit e ndihmuar edhe nga Zyra Federale e policisë dhe policia kantonale, autoritetet në Serbi kanë reaguar duke e arrestuar të dyshuarin e përmendur. Bëhet fjalë për një serb 40 vjeçar, i cili nga viti 1993 e deri më tash ka jetuar i lirë në vendin e tij. Tash ai mbahet në burg në Serbi ndërsa e pret gjykimi për pjesëmarrje në vrasje të rëndë, shkruan solothurnerzeitung.ch.  

Prokuroria Shtetërore e Soloturnit ka kërkuar nga autoritetet serbe që të ndërmarrë masat përkatëse të ndjekjes penale. Pas marrëveshjes në mes të dy palëve, procedura e ndjekjes së personit të dyshuar i takon autoriteteve serbe, gjegjësisht nuk do të bëhet ekstradimi i tij në Zvicër.