Bushati për EUObserver: Perspektiva europiane e Ballkanit kundërshtohet nga Rusia

Shqipëria mund të nis bisedimet me BE këtë vit, pas rekomandimit të Komisionit Europian, shkruan fillimisht EUObserver, e cila ka intervistuar edhe ministrin e jashtëm të Shqipërisë, Ditmir Bushati.

Perspektiva europiane e Ballkanit dhe zgjerimi i NATO kundërshtohet nga Rusia, tha Bushati, përcjell albinfo.ch. Ai shtoi se Perëndimi duhet të kujdeset në Maqedoni, Mal të Zi dhe Serbi ku ka pasur tensione destabilizuese nga Moska.

Por edhe Shqipëria nuk është imune nga ndërhyrja ruse, ashtu siç mund të mendohej.

“Shqipëria që është një anëtare e NATO, ka hetim lidhur me pohimet se kundërshtarët tanë politik kanë marrë mbështetje financiare nga Rusia,” tha ai duke menduar për protestën e PD e cila thuhet se ka qenë e financuar nga lobistë rusë.

Në deklaratën nëntë faqesh të samitit të Sofjes që e disponon EUObserver ka projekte për autostrada e aeroporte, ndërsa BE rikonfirmon mbështetjen e saj të pakontestueshme për perspektivën europiane të Ballkanit Perëndimor.