Çfarë tema diskutuan kryetari i Kuvendit me deputetën britanike Kearns

Mësohet se edhe kryetari i Kosovës, Glauk Konjufca ka pritur sot në takim deputeten dhe Kryetaren e Komisionit për Punë të Jashtme në Parlamentin e Mbretërisë së Bashkuar, Alicia Kearns, përcjell albinfo.ch.

Ata diskutuan për raportet miqësore mes dy vendeve dhe rëndësin e forcimi të këtij bashkëpunimi në çdo fushë, si përkushtim i vazhdueshëm i të dy palëve, raporton Zeri.info.

Konjufca ndër tjera e konsideroi ardhjen e deputetes Kearns si afirmim të bashkëpunimit të ngushtë mes dy vendeve tona mike dhe aleate, në një partneritet ku përputhen në plotni linjat e veprimit, interesat dhe qëllimet e synuara.

Po ashtu gjatë këtij takimi kryeparlamentari Konjufca falënderoi deputeten Kearns për mbështetjen që i ka dhënë Kosovës në çdo situatë.

“Prania e Mbretërisë së Bashkuar në Republikën e Kosovës si dhe në rajon është e një peshe të pazëvendësueshme për sigurinë, stabilitetin dhe përbën garanci ekuilibruese në dinamikat e aktualitetit të brishtë, siç është edhe për një të ardhme me vizion të gjerë“, theksoi ai ndër tjera.

Në anën tjetër deputetja Kearns falënderoi Konjufcën për pritjen e ngrohtë dhe po ashtu konfirmoi se mbështetja e Mbretërisë së Bashkuar për Kosovën do të vijojë të jetë e fuqishme.

“Të dy palët biseduan edhe për ngjarjet e fundit të Banjskës, me ç’rast kryetari Konjufca potencoi se aktet e agresionit nga Serbia përmes grupeve terroriste nuk janë kërcënim vetëm për Republikën e Kosovës, por vendosin në pikëpyetje stabilitetin e të gjithë rajonit”, thuhet në komunikatë.