Charlize Theron promovon filmin e ri “Gringo”

Në Los Angeles është dhënë premiera e filmit “Gringo”, ku aktorja Charlize Theron dhe kolegët e saj nga filmi “Gringo” parakaluan mbi qilimin e kuq.

Filmi që i takon zhanrit komedi e errët e dramë, flet për betejën për të mbijetuar të biznesmenit Harold, i cili në film portretizohet nga David Oyelowo. Për arsye të ndryshme dhe për shkak të ndodhive të shumta që ndodhin në film, Harold e gjen veten duke u shndërruar nga një qytetar i zellshëm që i respekton rregullat, në një kriminel të kërkuar nga autoritetet, përcjell albinfo.ch.

Regjinë e këtij projekti e ka bërë Nash Edgerton, ndërsa në të luan edhe vëllai i tij, Joel.

‘Gringo’ do të fillojë së shfaquri nëpër kinema nga 9 marsi.