CIA: Rusia e ka të vështirë t’i kthejë territoret e Kurskut

(KEYSTONE/AP Photo/ (AP Photo/Rodrigo Abd)

Zëvendësdrejtori i CIA-s thotë se do të jetë e vështirë për Rusinë të rifitojë territorin që e ka humbur në rajonin e Kurskut.

Duke folur në samitin e inteligjencës dhe sigurisë kombëtare në Uashington, David Cohen tha se rëndësia e pushtimit të Kurskut “mbetet për t’u parë”, shkruan skynews, përcjell Albinfo.ch.

Ndërsa Kievi ka thënë se nuk ka ndërmend të aneksojë zonën që tani po e kontrollon, trupat ukrainase po ndërtojnë linja mbrojtëse dhe duket se ata synojnë të mbajnë “disa nga ai territor për një periudhë kohore”, tha Cohen.

“Ne mund të jemi të sigurt se Putini do të ndërmarrë një kundërofensivë në përpjekje për të rimarrë atë territor”, shtoi ai.

“Unë mendoj se pritshmëria jonë është që kjo të jetë një luftë e vështirë për rusët”, pohoi Cohen.

Ai tha gjithashtu se Putini do të duhet “të përballet me pakënaqësitë” për humbjen e territorit rus.

Ukraina pretendon se tani kontrollon 100 vendbanimeve në rajonin e Kurskut, ndërsa forcat ruse vazhdojnë të ecin përpara në rajonin lindor ukrainas, Donetsk./Albinfo.ch/