Çifti që u helmua para disa ditësh, varroset nusja

Familja nuk e pranon familjen e dhëndrrit, pretendon se ia helmuan vajzën.

I vëllai i viktimës, Reshit Xibraku, akuzon familjarët e dhëndrit për helmimin e motrës së tij.

“Nuk pranoj njerëzit e Olsit të më vijnë në shtëpi. Ata më helmuan motrën. Të hetohet e vërteta. Po shkojmë në polici. Fola me Olsin, e pyeta çfarë i bëtë motrës time, më tha nuk mbaj mend asgjë, ne morëm mangallin dhe fjetëm”, është shprehur vëllai i Rezartës.

Rezarta kishte vetëm tre ditë që ishte martuar me Olsi Hajdarin, ndërkohë që prindërit e këtij të fundit i gjetën në dhomë të helmuar, njofton Top Channel, përcjell albinfo.ch.

Rezarta nuk arriti të shpëtonte, ndërsa Olsi ka mundur të mbijetojë pas trajtimit mjekësor.

 

---